WW=WeightWatchers
Di letscht Wuchä isch vom sportlichä här guät gloffä. Bi Sa UND So am morgä vor äm richtigä Zmorgä värusä. Äs hät teilwiis rächt gwindät und gschneit und doch bini vo minärä Strecki, woni ‚früänär‘ zum walke 60min gha han, 15min dävo jogged *stolzufmichbin* Naja… abär mini Sportpoints hani dänn halt immär wiedär für öppis Süässäs odär süsch öppis brucht :-/ Tja und geschtär zAbig hät halt dWW-Waag 700g meh als di vordär Wuchä azeigt. Das heisst, witär Sport machä und dPoints nöd grad wiedär ässä, sondern sparä 🙂 Wird chli schwierig, das Wuchänänd, dänn äs gaht inäs Kuschel- und Wellnessweekend mit mim Schatz 🙂 Da gits natürli äs traumhafts Zmorgä und 2x än 5-Gängär zum Znacht 🙂 Mal luägä, wiäni das meischtärä *gg*
cc=cablecom
Und das Kapitel isch morn für mich abgschlossä. Ich ha min letschtä Arbätstag, han dänn 2Wuchä Feriä und fang am 3. Dez. bi dä neuä Firma als Netzwerk- und Systemadministratorin ah *froid* Freu mi abär ‚gschäftlich‘ zersch no uf sWiähnachtsässä im Doktorhaus zWallisellä =)
meh Neuigkeitä hani im Momänt glaub nöd 😉
grüässli Radisli
