Jaja, ihr händ richtig gläsä, ich han ez doch mit WeightWatchers agfangä und scho 1.5Wuchä hindär mir. S’erschtä Ärfolgsärläbnis hani au scho döfä ärläbä und zwar hani i dä erschtä WW-Wuchä 1.8kg abgno *strahl* 🙂
Ich ha mi rächt guät a dPOINTs ghaltä und sogar Sport gmacht: 2x 1h go schwümä und 1h go walke <- hät mär sogar gfallä und mega guät ta.
D’Folg am Mäntig isch dänn no xi, dassi mir mal chli professionelläri Laufschuäh poschtät han. Das macht scho extrem vill us und lauft sich bessär!
Ich döf pro Tag 21POINTs ässä, was vo dä Gruppäleiterin berächnät wordä. Apropo, ich gang ebä 1x i dä Wuchä inäs WW-Träffä, wo zDietikä sälbär isch. Praktisch, dassi zFuäss nur grad 10min han deht härä, so gangi au ehär, als wänni no mit äm Zug müsst fahrä 😉
Nomal zu dä POINTs, am letschtä Sunntig hät dä Michael Luscht gha uf Pizza und mir händ Färtigteig und Belag (Tomatäsauce, Légère Mozzarella, Zuccetti und Pepperoni) kauft. Womär dänn dihei xi sind und gmärkt händ, wiä vill POINTS sonän Pizzateig hät, isch mär dLuscht fasch wiedär värgangä… das isch echt abartig. Ich glaub dHelfti vomä rächteckigä Pizzateig – nur dä Teig – hät 10-15POINTs :-/ Ha märs dänn abär glich gönnt, willi scho so vill Sport gmacht han und äs isch mega fein xi!
Sport git nämli POINTs däzuä, je nachdem wiä lang und mit wellärä Insensität, bzw. wiä schwär mär isch. Bi mir heisst das: 1h schwimmen = 3POINTs Bonus und 1h walken = 3POINTs Bonus 🙂
