So, hüt bini wiedär mal, nach fasch ärä ganzä Wuchä wiedär mal im Chrafttraining xi.
Bi abär am Di und Mi no go 30-40Längänä go schwümä.
Mär händ wiedär mal än neuä Fitnesspark entdeckt, das mal dä in Rägäsdorf. Dä isch bis ez würkli di bescht alternativä zum Puls 5. Mär hät schön vill Platz i dä Garderobä, äs isch schön ruhig (i dä Gardärobä) und dLüt sind vill offnär irgändwiä. Im Fitnessbereich sälbär häts zwar vill Lüt, abär äs stinkt nöd und mär chunt guät anänand värbi, äs isch g’ordnät.
Womär inä sind, hämmär scho gmeint, äs heg kä Waag und das wär würkli schad xi – im erschtä Gedankä – im Nachhinein hets bessär käni gha. Dänn ich ha natürli dänkt, nachdäm ich ez ä Wuchä zum Zmittag im Büro nur än grossä Salat g’ässä han, uf all Süässigkeitä und süsch so Apero-Gebäck wiä Chips & Co värzichtät han, dass ich wenigschtäns äs bitzli undäräm Gwicht vo letschtäm Samschtig seg. Abär nei, äs isch natürli bi mir wiedär mal nöd so xi. Zur Ärinnärig: Am värgangnä Sa Morgä, no ohni Zmorgä bini 68.0kg xi und hüt? 🙁 Wiedär 68.9kg 🙁 Ich hett sie chönä, dWag odär was au immär. Däzuä chunt no, dassi a dä Hüft voralläm so komischi Strich übärcho han… mal no übärleggä, wämmi das ächt müsst/sött zeigä.
Jaja und ez, womär bim Michael dihei sind, bringt Sie’s Mami natürli no Dessert: luftigä Blächchuächä mit Himbeeri drin. Wiä gärn hett ich äs Stuck, wiä gärn wür ich nüm uf Süässäs värzichtä. Dä Michael hät dä Tällär agno und ich mich so frögänd agluägt. Ich nur: „Du chasch ja scho näh.“ Und das hät är natürli au, värständlich. Är nimmt ja au immär äs bitz öppis a Kilos ab und baut am Musklä uf – sichtbar. Wiä gärn hett ich min scheiss Vorsatz für dä Momänt mindischtäns übär Bord gworfä, abär ich glaub ich has voralläm wäg äm Michael nöd gmacht… kä Ahnig wieso…
ach, ich chönt hülä. Dä huärä värdammti SCHEISS 🙁
Hey Rahel!
Don’t be sad, das chunnt scho guet!
Was Fakt isch: Muskle sind schwärer als Fett. Wenn du also Muskle ufbausch, denn cha’s sie, dass du liecht schwärer bisch, obwohl du eigentlich weniger Fett häsch. Und ich tänke, grad wenn du so am Verzichte und Spörtle bisch, denn chönnti das bi dir scho de Fall sii.
Und die Streife (so „Schwangerschaftsstreife“ oder?)a de Hüft, das hani au vermehrt gha, woni chli abgnoh han.
Das isch ’s Bindegwäb, wo’s usenandzoge hät und wo denn aber irgendwie halt wieder chli zämeschrumpft, wenn mer abnimmt. Ich han bi mir do au gfunde, das gsäch mer vill besser als vorher.
Und was ich d’Erfahrig gmacht han… Verzichte isch ja scho iilüchtend, aber wenn ich verzichtet han, denn isch de Gluscht nur no grösser worde. Ich finde, mer söll sich eifach iischränke, aber ned ganz verzichte. :-/
Hey und ich find’s toll, dass du so lang en Durchhaltewille hesch! Du bisch super! *umarm*
Lg Iris
Hey hallo. Ja das isch scho doof, dass Du da nüd rechts merksch. Aber au ich bin mir sicher, dass das klapped. Grad mit somene druchhalte Wille!