Ja richtig, äs git wiedär mal news und zwar in Sachä Ärnährig.
Geschtär bini mit äm Haui, mim Fachvorgsetztä us dä Lehrziit, go Zmittag ässä und was spricht är da zimli schnäll ah? 🙂 D’Ärnährig odär s’Abnäh.
Är hät vor mehrärä Mönät ä Sändig im TV gseh, wo’s übär Jahre hinweg värschiedäni Diätä und Ärnährigsumstelligä agluägt und usgwärtät händ. Deht hät eini innärhalb vo 10Jahr 36kg und ä andäri innärhalb vo 6Mönät 10kg. I därä Spanni händs all 2Mönät gwogä, dä Buchumfang gmässä und äs Foti gmacht. So hät mär au gseh, dass äs würkli di glichä Pärsonä sind.
Dä Haui hät das Konzept vo 2.5Mönät sälbär agfangä und hät i därä Ziit guät 4.5kg abgno, abär dLäbäsluscht bhaltä. Das hät mi übärrascht und sehr ufgstellt. Und drum probiäri das ez au mal. Das funktioniärt nämli folgendermasse:
Zmorgä: Cha mär alläs ässä. I dä Wort vom Haui: „Chasch bis zu 8Konfi-Brot ässä, abär das magsch ja gar nöd :)“
Dänn 5h nüt ässä, diä Zwüschämahlzitä bruchts hüt zu tags, also ohni schwäri Hand- bzw. Fabrikarbäd nüm.
Zmittag: Cha mär alläs ässä. Haui: „Dänn schlahni richtig zuä. Pommes-Frites, Schnitzel, Dessert.“ 🙂
Wiedär 5h wartä.
Znacht: Nur Fleisch und Salat bis mär satt isch. Mär brucht nämli i dä Nacht praktisch kei Energie odär bessär gseit Chohlähydra womär chan värbrännä. Also wämmär am Körper nöd no meh dävo git, wonär eh nur als Fettpölschterli aleit, nimmt är vo dä Vorrät und mär nimmt ab…
Mal luägä, wiä das mit dä Umsetzig und äm Ärgäbnis isch. Wird mi wiedär mäldä… 😉
Hoff, ich schaff das au mit äm wägä und äm fötälä =)
Hm….. so Diäte wo Wunder verspräched obwohl mer tuusigi vo Kalorie chan i sich inestopfä sind mer chli suspäkt…. Wür dänn ufpasse dassd nöd enttüscht bisch. Good luck and success!