News

Sali mitänand 😉

So, ich mi wiedär mal, zum eu chli värzellä, wiä’s bi mir so lauft im Momänt…
Wiä är villich bim Ticker gseh händ, hani i dä letschtä Zwei Wuchä wiedär zuägno, abär diä und di nächscht Wuchä hani ja frei und mir vorgno jedä Tag mind 30min Sport z’machä. Das hät bis jetzt jedä Tag klappäd *stolzbin*
Am Mittwuch bini ä rundi go jogge und ha währänd däm sogar än Iiisvogäl gseh – jaja, du häsch richtig gläsä, än Isvogäl 🙂 Has fasch nöd wellä glaubä, abär diä Farbä sind undglaublich xi 🙂

Am Zischtig bini ja bi WW wiedär uf dä Waag xi und das mal am Mittag. Sie hät 70.0kg azeigt, also 500g+ zur vorigä Wuchä. Nach däm wundärbarä Wellness-Weekend zÖstrich isch das abär z’ärwartä xi. Has däfür supär gnossä, dänn sÄssä isch eifach genial guät xi 🙂 Und wiä oft gits scho Sekt mit Blattgold? *gg*

Ich hoff, nächschtä Zischtig zeigts wiedär wenigär ah, abär ei Waag hät mär scho ä Zahl azeigt, woni sit Monätä nüm gseh han 🙂 Geschtär bini nämlich wiedär mal im Usdurtraining xi und nach dä Duschi uf dWaag deht gstandä und diä hät tatsächlich 67,9kg azeigt 🙂 Das isch zwar öppä 2kg wenigär, als dWaag dihei, abär was sölls. Diä Waagä sind eh undärschidlich 😀

so, meh hani glaub im Momänt nöd z’värzellä, abär freu mi uf eui Kommentär odär Fragä 😉
grüässli Radisli