Hui, und scho isch wiedär än Monät värbi, sit ich min letschtä Blog-Itrag gschribä han 🙁
I därä Ziit isch vill passiärt. Weiss abär gar nöd, was eu ächt so interessiärt 🙂
Thema Ärnährig/Sport: Sit zimli genau einärä Wuchä bini zimli strikt (mit einärä Usnahm) uf Süässigkeitä, Chips & Co-Värzicht. Das isch zwar nöd mini Idee xi, abär ich stahn voll dähindär. Jetzt dänksch villich „Hö, dRahel hät doch immär xeit, sie seg geg so totali Värbot odär Värzicht!? Das isch doch geg ihri Pärson. :-s“ Naja… äs isch ebä so: Ich wott mal luägä, öbs öppis bringt/ändärät, wänni mal ganz druf värzichtä. Und ich glaub das hät au öppis bracht… Vor knapp zwei Wuchä bini am Sunntig guät 69.5kg, am Mitwuch bini 69.0kg, am Fritig 68.6kg und am Samschtig sogar nur no 68.0kg gsi 🙂 *strahl* Diä Wuchä bini ez nonig im Fitness xi, also au nonig uf dä Waag, abär das wirdi hüt Abig sichär mal luägä, was sich da ta hät…
