Halli Hallo
Jaja, ich läbä no und mäld mi mal wiedär.
Weiss abär eich gar nöd so, wasi eu spannänds söll värzellä =)
Ah mol, eusi Chuchi isch langsam sAbstellchämmärli für Abfall. Dä Karton vo dä neuä Sachä liggäd all no deht umä, dänn PET-Fläschä, Papiär, etc… =) Jaja, mär söttäd mal i dSammälstell gah 😉 Nur… zersch muss mär wüssä wo diä isch, dänn muss mär dÖffnigszitä kännä und dänn muss mär au dänn mal no Ziit und villich äs Auto ha zum das ganzä z’transportiärä 😉 Naja.. muss wohl no chli wartä, dänn diä Wuchä mussi immär schaffä bis am 5i.
Ah, dWösch isch au no sonä Sach. Da hani eimal i dä Wuchä Wöschtag und ich värpass än, das isch mär letscht Wuchä passiärt 😀 Abär zum Glück wohnt ja min Schatz i dä Nöchi, dänn hämmär nämli alläs chönä inä Kofärä packä und bi ihm obä wäschä und tumblere =) hehe
