Mitte März vo däm Jahr han ich ja mit Fitness agfangä, wiä scho im erschtä Biitrag zu dä Ärnährig beschriebä. Vor ca 2-3Wuchä isch äs däzuä cho, dass das nüm 3x, sondern nur no 1-2x pro Wuchä wordä. Mini Geduld isch eifach gschwundä.
Letschtä Fritig bini wiedär mal is Fitness, grad nach äm schaffä. Und ich ha gmärkt, äs hät scho wiedär nahglah mit dä Fitness. Drum hani mär wiedär fest vorgno, jedi Wuchä 3x is Fitness z’gah.
Am Sunntig bini drum grad wiedär gangä. Mär sind öppä am 10ni ufgstandä und in Puls 5 gfahrä. Ha dänn scho 55min mögä und bi nach äm Training richtig ufgstellt xi – villich au wäg äm Gwicht wo mär dWaag azeigt hät. Bi 67.2 xi =) *froid*
Am Mäntig-Abig hani di guät Wuchä wellä afangä, woni wiedär 3x gangä und bi diräkt nach äm schaffä is Training. Abär nachdäm ich deht uf dWaag gstandä bin, häts mi wiedär schiär glupft. Hät mär doch tatsächlich äs neus Höchschtgswicht vo 69.2kg azeigt. Naja… isch ja au am Abig xi. Abär Znacht häts dänn scho ersch dänah gäh. Uf das achti ez au, dassi mind. 2h vor und 1h nach äm Training nüt iss. Süsch värbränni ja nöd sFett woni scho agsetzt han.
Also, morn gahts dänn bereits s’2. Mal diä Wuchä und am Sa isch au scho wiedär plant 🙂 Hoff, das gaht ez öppä duruf…
