fahrt mit erschtär ladig

Phuu, 6.45h hät hüt morgä scho dä Weckär gschällät und 10min spötär bini dänn au mal undär dä Duschi gstandä #gg# *gähn* Nachär hani mit äm Michael schnäll zmörgälät und 7.40h simmär bereits im voll beladänä Auto Richtig Rümlang gsässä. Dä Michael hät unbädingt mit mir wellä mitfahrä und halt 15min uf dä Zug wartä #härzig# 🙂
Im Radio hämmär no ghört, dass äs uf dä Autobahn ä Massäkarambolage mit 15Autos gäh hät und zwar genau deht, woni nachär no hett söllä durä fahrä. „Ja suuppär. Genau hüt. Dä Michael isch so liäb xi und hät mär uf dä Autochartä zeigt, wo ich jetzt mit dä Andrea muss durä fahrä, dass mär no pünktlich u minärä Wohnigsabnahm chömäd. Ich ha mi vom Michael värabschidät und ihm no viiiill Glück für sini IPA (Individuelle Praktischte Abschlussarbeit #hoho# *ganzgschiid*) gwünscht.
Aschlüssänd bini dAndrea dihei go abholä und mir sind ohni Problem statt übär dAutobahn via Watt, Rägäsdorf, Winigä und Fahrweid zDietikä acho #phuu# 🙂 Sind sogar no 10min zfrüä xi #yeah#