So, di erscht Hürdä vo därä Wuchä isch übärstandä, wänn au nöd ganz glanzvoll.
Ich han dä Tag guät agfangä, guät witärgmacht, abär chli übärässä beändät… :-/
Ich han zum Zmorge extra nur än Öpfäl und ä Kiwi, plus 80g Magerjogurt Nature und 10g Wiibeeri g’ässä und zwar für nur 1POINT 🙂 Ha au würkli gnuäg gha bis am eis, woni dänn Zmittag g’ässä han. Deht hani au extra nur zwei Tomate mit 1/4Fett Mozzarella und Balsamico-Sauce g’ässä. Isch seehr fein xi, hät glangäd und nur 3POINTs brucht 🙂 Ha dänk äs paar POINTs no müssä sparä für am Abig. Ha gwüsst, äs git vill so Knabberzüg und womöglich au no Süässäs. Nach äm Zmorgä bini drum au mit dä Andrina no 1h is Fitness go schwitzä =) so hani wiedär 5Bonuspoints värdiänt, woni dänn am big han chönä ässä =)
Jaja und siehe da, am Abig häts Schinkegipfeli, Piccolini, Apéro-Täschli, Flutes, Chips, PopCorn und Guätzli gäh. Zum Glück häts au no chli Gmüäs mit Dip gäh =) *yammie* Mir isch zwar öppädiä dur dä Chopf „Mann Rahel, du bisch di ganz Ziit nur am fuättärä.“ Und doch hani immär nomal äs Guätzli gno odär nomal chli Chips…
Vor lutär schlächtäm Gwüssä simmär (dä Michael und ich) dänn vo VeBoTr bis a dHardbrugg gloffä – süsh simmär ebä nur bis zu dä nächschtä Bushaltistell und dänn 1 Station gfahrä (wiä fuul :-D). Ich ha gwüsst, ich ha mis Velo z’Glanzeberg parkiärt, abär ha zersh dänkt „Ach, ich bi so vollä, mag doch nüm Velo fahrä. Bi au mega müäd.“ Wo dä Zug dänn deht ghaltä hät, hani doch dä Drang gha, mich no chli z’bewegä und mit äm Velo diä paar Minutä z’fahrä 🙂 *stolzufmichbin* Jaja und das hani dänn au gmacht 😉 juhuuu
Dihei acho, hani natürli no wellä/söllä/müssä mini POINTs notiärä, was natürli chli schwierig xi isch. Ich ha ja eich no ingesamt 20POINTs gha, woni han chönä vär*rässä… Mit Schinkegipfeli etc hani dänn mal agfangä, dänn diä sind i dä Datäbank sogar vorhandä xi und di vorigä 8POINTS hani dänn no als gsamthafts gno, dassi 0.5POINTs im Minus bin. Bi ja wahrschinli scho im Minus xi, abär kei Ahnig wiä vill. Was solls =)
Hüt morgä bini dänn wiedär mal dihei uf dWaag gstandä und bi gspannt xi, was diä nach däm gestrigä Abig meint und siehe da =) Sie hät sogar äs paar hundärt gramm wenigär azeigt, als geschtär bzw. vorgeschtär morgä =) *froid*
Ez hani gad mis 2.5POINTs armä Zmorgä (Kiwi, Öpfäl, Jogurt, Müesli) gha und sött no chli öppis für mini Fitness machä. Ich haus mal no 1h go walke, so gits au nomal ca 3BonusPOINTs 🙂 Dänn hüt isch ja scho dä nächscht Geburi agseit 😉 Abär au DÄ schaffi 🙂
schönä Tag zämä und hebäds guät 😉
grüässli vo euäm Radisli
