gseht mis nächscht Jahr, mini Zuäkunft wiedär vill rosigär und glücklicher us, als au scho! 🙂
Sit äm 3. Dezember schaff ich ja bi dä Firma Winterhalter und Fenner AG zWallisellen als Netzwerk- und Systemadministrator *stolzbin* Also han ich ja ez scho bald zwei Wuchä hindär mir und diä sind umä, wiä im Flug =)
Äs gfallt mär richtig guät. D’Lüt sind fründlich, hälfäd mär, nämäd sich Ziit für mich… Ich han immär chli Arbät und diä isch vilfältig, abwächsligsrich, spannänd und sehr interessant. Ich han au immär chli Ziit für eigni Projekt. Chönt zB wänni Ziit und Luscht han, mal sälbär ä chlisäs Netzwerk ufbauä, alläs konfiguriärä etc. Händ da ä rächt guäti Infrastruktur däfür 🙂 Will diä Firma vo 200Lüt i dä ganzä Schwiiz nur eus 3Lüt (2x 100%, 1x 20% vor Ort) i dä Informatik hät, cha mär übärall chli inäluägä und vill lärnä. Fühl mi also richtig wohl da und bi gspannt, was mich no alläs ärwartät.
Mir händ au no Filialä in Östrich und deht mussi sichär au mal hi 🙂 juhuuu
Was au no schön xi isch am erschtä Tag: Ich han zur Begrüässig ä uuuuh schöni Orchidee übärcho =)
sooodäli, meh gits da glaub im Momänt nöd z’värzellä. Süsch chöndär ja frögä 😉
grüässli Radisli
