So und ez möchti eu värzellä, was da bi dä erschtä Sitzig so gseit und glost wordä isch:
Ez isch das halt scho äs Wiili här und ich weiss nüm genau, wasi deht alläs ghört han, abär ich värsuächs mal =)
Mini Ärnährigsberaterin, dFrau Heuberger hät scho ganz vill wellä wüssä und mär au scho vill Infos chönä mitgäh. Sie hät z.B wellä wüssä, wiä gross und schwär ich bin, was mini Ziel mit ihrä sind etc. Will ich vomä vorigä Tag bereits mal ungefähr ufgschribä han, wasi g’ässä han, hät sie mär scho chli chönä sägä, was ich i minärä Ärnährig chönt värbessärä. Sie hät mär bereits i dä erschtä Sitzig xeit, dass ich wahrschinli z’vill Cholähydrat zu mir nimm – wasi damals nonig ha chönä glaubä. Abär meh däzuä i dä zweitä Sitzig.
Ich ha no ä Broschürä zum Thema ‚xundä Ärnährig‘ übärcho, wo dPyramide und di einzälnä Stufe genauär beschriebä sind. Öppis hät mi deht scho grad ufgstellt =) Äs wird empfohlä, dass mär jedä Tag ä Portion (20-30g) Nüss isst #yammie# Drum hämmär ez au immär Nüss – värschiedäni – im Huushalt 🙂
Phuu, ich glaub das wär scho alläs, wo mär i dä erschtä Sitzig blibä isch 😀 Ahja, ich ha da scho Ufgabä übärcho: Nämli, dass ich jedä Tag möglichscht genau i dä Mängi und Ziit ufschribä, dass ich übär dä ganz Tag värteil g’ässä han. Isch scho chli müähsam sÄssä z’wägä und alläs ufz’schribä, abär mär xeht dänn, was mär so alläs gfüärätät hät und isch teilwiis scho chli gschockt :-/
So, wiä’s i dä zweitä Sitzig xi isch, schribi am beschtä imä neuä Biitrag 😉
