Hoi mitänand
So, ich mäld mi wiedär mal in Bezug uf WeightWatchers.
Ich han morn bereits mis 3. Träffä und bi gspannt, obi au i dä zweitä Wuchä WW witär schön abgno han. A dPünkt hani mi im grossä und Ganzä guät chönä halt und ich bin au süsch rächt aktiv xi. Bi 2x 1h go walke und 1h ca 20 spaziärä plus 15min Velo fahrä.
Wär schön, wänni bereits undär 70 wür gheiä – einärsits, abär andärärsits döfi dänn än POINT wenigär ässä :-/
Hüt hani zum Zmorgä zwei Schiibä Nussbrot #yammmmie# gha und 1Kiwi plus än chlinä Öpfäl gschnäflät und mit Naturejogurt g’ässä. Zum Zmittag hani mär 3 so supär feini, ussä chnuschprig, innä luftigä Nussbrot Schiibä gönnt. Däzuä häts no än Bächär 1/4 Hüttächäs und chli Sänf uf sBrot gäh 🙂
Ha hüt wiedär mal Spatschicht und zum Znacht hani Salatagurke mit Dip (WW-Magerquark mit 1EL 90% weniger Fett Tomynaise und Gwürzmischig) mitgno. Und dänn gits no 2schibä supär feins Nussbrot 😉 Wänns nöd langät, hani no chli Riiswaffle mitgno…
Hett gärn öppis warms mitgno, abär am Morgä hani kä ziit gha, nüt gschids dihei und kä Ideä zum chochä gha… morn isch a no än Tag… WW-Wiegetag. Druckäd mär Dumä 😉
bis bald
Rahel
